اعلن معنا

شرح نقل الاسماء من جوال نوكيا إلى الايفون بالصور

From: abdulrzzaq abu-habshaushah <aroqi5@gmail.com>




شرح نقل الاسماء من جوال نوكيا إلى الايفون بالصور

كتب بواسطة Mr. A أبريل - 06 - 2011   |  

أقطع يدي أن ما كان نصكم مترددين يشترون آي فون عشان خوفهم من مشكلة نقل جهات الاتصال من الجوال القديم

افا عليكم بس .. كذا تزعلوني منكم ترى .. يا جماعة هالكلام قبل لا يجي تكنو على سطح الإنترنت  

 

نسخ جهات الإتصال من جهاز نوكيا للايفون

 

الأشياء المطلوبة لإتمام العملية بنجاح 

 

1- جهازك النوكيا اللي تبين تنقل منه الأسماء حقتك

2- كيبل نوكيا – عشان توصل جهازك للاب توب

3- برنامج Nokia Ovi Suite

ويمكن تحمليه من موقع نوكيا الرسمي من هنا : حمل البرنامج

4- برنامج الأوت لوك Microsoft Office Outlook

5- آي تونز – iTunes

يمكن تحميله من موقع آبل الرسمي من هنا : حمل البرنامج

5- آيفونك والكيبل حقه طبعاً

 

 

في البداية نحمل برنامج الأوفي الخاص بنوكيا

 Nokia ovi suite

 

نشبك الجوال القديم في الجهاز ثم نفتح برنامج الـ ovi وبتطلع هالشاشة اللي هي الصفحه الرئيسية للبرنامج

 

واجهة برنامج ovi

اضغط على الصورة لرؤيتها بحجمها الطبيعي

 

بعدين اضغط من فوق على ( أدوات ) ثم  ( خيارات ) 

شرح كيفية نقل الاسماء من جهاز النوكيا إلى الايفون

 

بعد كذا نضغط على الاسماء الموجودة على اليمين ونختار المزامة مع الأوت لوك ونختار المكان اللي نبي ننقل فيه الاسماء

شرح نقل جهات الاتصال من النوكيا الى الايفون

اضغط على الصورة لرؤيتها بحجمها الطبيعي

 

أنا بالنسبة لي عندي كذا مجلد جهات اتصال في الأوت لوك , عشاني سبق ونقلت اسماء جهازي في البداية .. ثم بعدين نقلت اسماء جهاز اخوي .. ثم تطور الوضع وصرت أنقل أجهزت ناس ما أعرفهم

 

واللي يبي يسوي مجلد في الأوت لوك كل اللي عليه هو أنه يفتح البرنامج .. ثم يضغط على ( جهات الأتصال ) .. ويسوي زي ما في الصورة

 

نقل جهات الاتصال من نوكيا الى الايفون

 

نرجع لموضوعنا .. بعد ما تختار المسار اللي تبي الاسماء تنتقل له تضغط موافق .. بعد كذا بيرجعك البرنامج للواجهه الرئيسية مره ثانية

 

شرح طريقة نقل جهات الاتصال من نوكيا للاي فون

 

اضغط على مزامنة الأسماء .. وبعد كذا نصبر لحد ما يخلص نسخ

 

بعد كذا خلاص نفصل جوال النوكيا ونرميه في كرتون ونحطه فوق الدولاب مع الملابس الشتوية .. وبعدين نشبك الآي فون ونفتح الآي تنونز

 

شرح نسخ جهات الاتصال عن طريق الاي تونز

اضغط على الصورة لرؤيتها بحجمها الطبيعي

 

مثل ما تشوفون في الصورة .. أول شيء نختار ( info ) ثم نحط علامة صح عند ( sync ) وبعدين في الأخير نختار اسم المجموعة اللي نبي ننسخها للايفون .. بعدين نضغط ( apply )

 

نروح نصلح شاهي على بال ما يخلص البرنامج من النسخ وبعدين وخلاص بكذا يصير نقلنا جهات الاتصال من جهاز النوكيا للايفون بنجاح ايها الرفاق

 

*  *  *  *

 

نسخ جهات الإتصال من الشريحة

 

هالطريقة تصلح للناس اللي مسجلين الاسماء حقهم على الشريحه ومهوب على الجهاز .. لكن عيوب هالحركه أنها تنسخ الاسم مهوب كامل .. يعني على ما أعتقد أول 16 حرف بس .. يعني بتطلع لكم الاسماء زي كذا .. ( عبدالعزيز عبدالر ) .. ( سلطان عبدالر ) .. وهلم جره

 

بنشرح هالطريقة لسهولتها ولأن البعض قد يكونون مزنوقين وما عندهم هالبرامج والكيابل وغير على أن عندهم القدرة وقاتلهم الفراغ ومستعدين يعدلون الأسماء اسم اسم

 

 

طريقة نسخ الاسماء من الشريحه

 

نضغط على الإعدادات – settings

 

نسخ الاسماء من الشريحه للايفون

ثم نروح لجهات الاتصال – contacts


شرح كيفية نسخ جهات الاتصال من الشريحه للايفون

وفي الاخير استيراد جهات الاتصال – Import SIM Contacts

 

والأن مافيه حجه لأي أحد

 

--

 



سبحان الله وبحمده سبحان الله العظيم ـ اللهم احسن خاتمتنا


اللهم ارحم والدي ووالديهم واخوانهم واخواتهم اللهم ابدلهم  دارا خيرا من دارهم واهلا خيرا من اهلهم وادخلهم الجنة واعذهم من عذاب القبر ومن عذاب النار . اللـهـم عاملهم بما انت اهله ولا تعاملهم بما هم اهله . اللـهـم اجزهم عن الاحسان إحسانا وعن الأساءة عفواً وغفراناً. اللـهـم إن كانوا محسنين فزدهم من حسناتهم , وإن كان مسيئين فتجاوز عن سيئاتهم . اللـهـم ادخلهم الجنة من غير مناقشة حساب ولا سابقة عذاب . اللـهـم اّنسهم في وحدتهم وفي وحشتهم وفي غربتهم. اللـهـم انزلهم منزلاً مباركا وانت خير المنزلين . آآآآمين



0 التعليقات: