اعلن معنا

تكفون تسبحوا وفكونا من هالرواايح

From: Tswa 3yone <no-more-love@hotmail.com>


 
السلام عليكم ورحمه الله وبركاته


اليوم موضوعي كان سببه احداث مهمة وشببت في قلبي سالفة

لازم اقولها ولا تراني بفطس

 

يا ناس يا عالم تروشوا وغسلوا اسنانكم وفمكم

واذا تروشتوا حطو مزيل عرق واللي يخاف من الكيماويات او شي يحط شبه مطحونه يخلطها مع شوي مسك

هذي حتى سواد الابط تشيله خير شر

 

اللي حاصل اننا عندنا صالون تجميل حق بيتنا

يعني حقنا والناس تجي تتزين فيه

المهم بما اني دفرة جداً هع ما اروح فيه وادري وينه خخخخ

 

بس بالصيفيه بدال ما اجلس زي الجدار اروح فيه امسك الإدارة اوقات اللي مافيه زحمه + أمكيج الزباين + اسوي لهم حلاوة جسم + للي يبون شيل شعر للوجه او حواجب <----- (ولا يجي لي احد يقول لي نامصه ومتنمصه لو سمحتوا خلكم بحالكم )

يعني اللي تطلبني بالاسم اخذها خخخ ومرات اقطهم على العاملات واذا كان زحمه اخلي وحده تمسك الادارة وانا ادوور بين هالزباين وانواع الروايح

 

سبب الموضوع هو الروائح الفضيعه اللي تجي من بعض الزباين

مو كلهم بعضهم

يعني لو ريحة طبخ نقول حرمة مسكينه راعية البيت عندها زحمه وشغل طبخت وماكذبت خبر صحى ولدها ولا زوجها من النوم وقالت له قطني بسرعه للصالون

لكن مرااات تجي وحده ريحة فمها لو تصك الطير طاح من السما مصروع

واحياناً تكون ريحة جسمها استغفر الله يعني مدري كم يوم ماسبحت
او انها ناوية تجي تشيل شعر بعدين تتروش

 

واحنا وش ذنبنا ؟

طيب ماعليها مننا

اللي معها بالبيت مايشمون ؟ مايحسون ؟ مايدرون وش الدنيا فيه ؟
ولا البيت كله كذا وعاااادي عندهم هذي ريحة خنينه ؟

ولا كل واحد يفكر الريحه من جسمه ؟ ولا كيف يعني ؟

زوجها طيب وش الحل معه ؟

اخوانها اوكي ما يبوسونها ما يضمونها <----دخلنا في +18

بس زوجها لا جا يضمها او يبوسها او يلعبون لعبة الكبار

وش يحس فيه مع هالريحه ؟ ولا هو زيها ويفتكر الريحه منه ؟

ولا عادي خلاص قطع الأمل منها ؟

امانة ما تموت كل مشاعركم يالرجال لما تشمون ريحة المدام مخيسه وقت ما ترقدون او وقت ماتجي تقرر تصير رومنسي وتخمها او تبوسها ؟ <---بيسطرونها حريم القروب خخخخخ

 

طيب ماعلينا من زوجك يمكن يطلع مو كفو تتروشين له

انتي ما تحسين انك متضايقه ؟ ماتزعجك العرقان على جسمك ؟

طيب لما بعضهم يجون يتمكيجون

مرات لازم اكون قريبة من وجهها

يعني عشان ارسم الكحلة مزبوطة وعشان احط الاي شادو تمام او رسمة الحواجب او ارسم شفايفها <---اكثر شي ياخذ وقت ويبي له تركييييز

لازم يكون بيني وبين وجهها 5 سانتي عشان اشوووف كويس

ولا تراني بخرب الدنيا عليها

 

قريت من فترة بالقروب وحده حاطه عن الكمامات اللي يحطونها الكوافيرات والله اني متت على هالفكرة وقمت استخدم كمامات ونفعتني بشكل كبير بس مرات تصير الروايح نفاااذه

قمت اعطر الكمامة عشان يجي شي زين يخفف هالخيااس

 

طيب انا ماعلي من كذا ريحتها لها

بس كيف بتروح للزواج او الحفل اللي جاية عشانه بهالريحه ؟ وبتسلم على المعاريس وتبارك لهم والناس تجي تبارك لها والناس تبارك لها وتسلم عليها وتضمها وتلملمها من الفرح ؟

كيف ما تستحي من ريحتها ؟؟

 

يا ناس انا اسوي حواجب وكلش متعلق بالوجه والجسم بالصالووون

والمشكلة تجي ناس روايحها اعوذ بالله استغرب منهم

ترى النظااافة من الايمااان والوساخه من الشيطان <----كلمة ابتدائي

 

مانتحمل هالروايح اعتنوا بنفسكم

بالنسبة للجسم لا حسيتي انك معرقة وفيه ريحة صبي على جسمك موية وصابون وبدي لوشن وبودرة معطرة ومعطر جسم وعطري ملابسك

واذا ماعندك هالسوالف بس موية وصابون تكفي وحاولي ما تتعرقين

 

 

والابط حطي فيه شبة مطحونه + مسك يا ناس احسن حل حق ريحة الابط وغير كذا تشد الابط وتبيضه واسألوا مجرررربه

 

انا فكرت احط لوحة بالصالون اطلب فيها من الزباين يعتنون بريحة الجسم والفم قبل يجون لكن بطلت لأن هالحركة مو حلوة بحق الزباين

راح ينفرون ويتضايقون

طيب وش نسوي ؟ نقول لهم بوجههم ترا ريحتكم تصرع روحوا تروشوا ؟ هم بعد هذي احراااج وفشلة ومو حلوة عيب اصلاً

 

هذا النداء موجه لكل الشعووب

كفوون مرروا هالايميل لكل معارفكم وخلوه ينتشر لييين يوصل حق زبايننا وزباينكم بعد

منها تكونون فكيتوني من هالخياس وسويتوا فيني خير

ومنها تكونون فكيتوا نفسكم من نص روايح البلد

وبعد ارسلوه للي عندكم وتضايقون من روايحهم خخخ يمكن يحسوون شوي

 

كنت ناوية احط خرابيط صور وحركات بالموضوع بس من جد جاني نوم خخخخ




===========

الصحاف
واضح المووضوع مكتوب من دون ذمه وضمير 
ض1
بالعاده مواضيعك مليانه صور 
حتى ختم المشرفين ماحطيتيها 
:p

0 التعليقات: