اعلن معنا

كرم اليمنيين في لندن :)




السلام عليكم ورحمة الله وبركاته


اليوم اشتهيت قهوة عربية وذهبت انا وصديقي لاوبرا كافيه بجانب هارودز بحكم انه يبيع قهوه عربية،
اول مادخلنا قابلنا مدير المطعم عراقي وبعد سؤاله كم شخص انتم،
قال لنا عارفين النظام منمم شارج ٢٥ باوند عالشخص قلنا اوكي مافي مشكله وكانت الساعه حوالي ٦ ونصف العصر،
 قال والطاوله محجوزة من الساعه ٨ !!!
يعني احنا ٣ بندفع ٧٥ باوند ويتشرط علينا عشان قهوه !!!
قلت له مافي مشكله ندفع لك بس ماتتشرط متى نطلع او متى نخلص
اصلا لو ماتكلم والله بيكفينا حد اقصى نصف ساعه
طلعنا من عنده وتذكرت احد الاصدقاء قال لي ترى مطعم مملكة سبأ عنده قهوه عربية
وعلطول بتاكسي على اجور رود
دخلنا المطعم ملياااان زحمه وقت عشاء او غدن عشاء  وجبتين بوجبة
قالوا تفضلوا وجلسونا بطاولة
وجابوا المنيو 
احنا مانبي الا قهوه بس 
قلنا بصراحه مانبي الا قهوه
طلع الي مضيفنا وجلسنا ع الطاولة شخص في قمة الاحترام اسمه ابومازن صاحب المطعم
قال بس تبون قهوه ماتبون مندي ولا اي طلب ثاني 
بحكم ان المطعم مندي وحنا تقول شيبان ماسكه معنا قهوه 
قلت له والله ماجينا الا عشان القهوة ونبيها بدله
نتشرط بعد 
قال القهوة بدله مانسويها الا برمضان بس حياكم الله ببيتي 
قلنا تسلم ماتقصر
قام نادى على احد الويتريه 
قال سوي لهم قهوة ولا تأخذ منهم شي 
قهوتهم على حسابي

قلنا لاوالله ماتتدفع ولا انت فاتح محلك سبيل ولا تحرجنا ولاراح مانجيك
قال بتجووون ان شالله
وعادات العرب ماراح تغيرونها 
تربينا على الكرم وقهوتكم الحين تشربونها
وماقصر ابو مازن قهوانا وحلف ما يأخذ ولاريال

سبحان الله شوفوا الفرق بينه وبين العراقي الي باوبرا

بالغالب بعض العمالة العربية من يشوف الخليجي كأنه نازل عليه من السماء 
لازم يفكر ويخطط طول ماهو بالمحل كيف يسرقه
مايجوون بمكان ولادولة الا يخربونها

بس هذا الشهم ابومازن
من طيب اصله وكرمه ونيته الطيبه ماشاءالله مستحيل تجي محله وتلاقيه فاضي 


ما اقول الا الله يرزقك ويجزاك عنا خير الجزء

انصح بهذا المطعم بقووووووه 





تتويتتي السابقه في في التويتر
حسيت انها تصلح موضوع


http://twitter.com/alS7af




--




سبحان الله وبحمده ,,, سبحان الله العظيم

 



 


( My Space )

follow me





0 التعليقات: