اعلن معنا

منع المعلمات من التظاهر للمطالبة بحقوقهن المسلوبة << شكرآ ياوطني

From: الاملح التميمي <alamlh-10@hotmail.com>




مقطع لمنع المعلمات حقات بند مدري وشو  المهم انهن مضلومات وحاولن حل المشكله والاتصال بالمسعورين  (اقصد المسؤلين) لاحفظهم الله ولم يقابلهن احد من الرجال << واقصد الرجال اللي اذا شاف مظلوم ينقز ويهب لمساعدته فمابالك لو المظلومه امرأه ؟؟

وامعتصماه بس

 

 

 

طبعا انا اول مره اكتب شي يخص  السياسة فتحملوني على الاسلوب وعلى الاخطاء الاملائية والأسلوب  وانا يوم ارسلت لكم المقطع  اللي ابي اوصل له انه لي متى واحنا على ذا الحال ليه لازم يطيح الفاس بالراس ليه ياوطني ويامسؤلين واقصد من الامراء اللي من قامه سلمان ونايف واحمد ومحمد وطالع لين نوصل لابو متعب 

 

اما المسؤلين اللي من وزير ومستشار ومدير وضابط فذولا ريحو الموضوع مايعنيكم انتم اصلا سبب كل فساد في البلد وانتم اللي لو وصلنا لمسؤل عليه القيمه كان اخذنا حقنا

 

متى هالمعلمات ياخذون حقهم ؟؟ متى يطلع اللي بالسجن بدون محاكمه ؟؟؟ طيب  متى يوقف كل تاجر عند حده واشوف الاسعار مكتوبه على كل صنف ولا يقدر ابن ابوه يزود علي  هلله  ومتى يوقف كل تاجر عند حده في قيمه البضائع ليه يستورد التاجر وهو الوكيل الحصري  ولا غيره  ويرفع سعر المنتج 300% او 400%  عادي ماحد يحاسبه واكبر دليل  الجولات سعره 1500 وعقب كم شهر 300 ريال  وغير وغير وغير

 

لي متى الفساد بالبلد في المناقصات الحكومية وكل تموين الحكومه وحنا رواتبنا تنقص والاسعار والفواتير تزيد   ليه فيه طبقتين بالبلد مواطن مطحون  ومسعور (مسؤل ) غني ويتبرطع بالمترفات

ليه المسؤل راتبه اصفاره كثيره وسيارات وحتى كروت البازين 95  والجولات ومايعرف فواتير الكهرب ووووووو ..... تتعب وانت تقول ووو....

والمواطن يتهجج من الديانه واللي منهم عفيف سلفه من البنوك اللي تاخذ فايده كثر اللي تعطينياه

 ليه كل شاب ورب اسره تعوسي >> سعودي  عليه دين وقرض

 ههههههه ليه كلنا نحلم بقرض من صندوق التنميه وندعي ربنا يوفقنا  ويتكرمون يعطونا قرض وهم متخمين من الدراهم الواحد يشفط السولييت من لثته وبراطمه << خبرتو السولليت اللي هو الشحم الزايد يطلع بالشفه واللثه    ذولا طلع لهم  ؟؟؟

 

المهم اقصد ليه نحلم بقرض وحقنا في  اقتصاد البلد ورواتبنا نسوي عليها مضاهرات ونمنع بعد ؟؟

تعبت من الكتابه واللي تعبني اكثر وضعنا في بلدنا التعوسية زحمه وفقر وتفرقه بين الناس وكله كوم وسلب حقوق الواحد عينك عينك كوم او بالعربي مالنا حقوق

 

والنهاية اذا طولت هالشغله واحنا على ذا الحال  ترا ميدان التحرير  علي عندي ارض منحه في وسط الصحراء ماتسوى همها  نجتمع فيها ونسوي مضاهرات وخل جيبوبهم وباصاتهم تشيلنا وربي السجن مايفرق واجد عن حياتنا  وترا احلا مافي سجوننا  مافيه تلفزيون نشوف اخبار العالم 

 

وسلامتكم

 

الكاتب

 

 

 

المعتقل القادم بقوه 

زوروني وجيبو حلاوه طحينيه

زنزاه انفرادي  رقم 9999990000000000987653  اصل السجن مليان رقاله


0 التعليقات: