اعلن معنا

مانشيستر - Manchester تغطية رحلتي إلى

From: Abdulrahman Al-Omar <arao_9@hotmail.com>





السلام عليكم ورحمة الله وبركاته
أهلاً وسهلاً بزوار المدونة وأعضاء القروب

كل عام وأنتم بخير , تقبل الله منا ومنكم الصيام والقيام


كنت مخطط للراحة هذه لكن السفرة كنت مخطط ع مكان ثاني .. لكن للأسف شركات الطيران ما ساعدتني بالمخطط
كل اللي لقيتها ترانزيت على يومين وطالع .. فما حبيت أضيع وقتي بالترانزيت الطويل فلذلك حولت الروحة ع مانشيستر

الحمد لله الرحلة كانت جداً رائعة ومنظمة ومرتبة
سكنت في مانشيستر وتنقلت بين البلدان اللي حولها
يورك , ليفر بول , بلاك بول , بوستل
أغلب الوقت في مانشيستر .. والتنقلات تكون باستمرار بين يومين أو يومين

تعرفت في رحلتي هذه على واحد من هولندا .. مرح نوعاً ما وإذا زودها يبيله طق  

أول ما نزلت في السكن حصلته هو بالغرفة اللي جنبي مباشرة وأنا ما بعد فتحت باب غرفتي .. يعني توني واصل .. إلا ولقيته طالع يسأل من وين جاي أنا ؟ هههه
انا ضحكت عرفت ان الرجال أول مره يجي بريطانيا ومتخوف وما يدري وين يروح و و و الخ

المهم تعرفنا ع بعض .. وصرنا نطلع ونروح ونجي غالباً سوا , إلا ما ندر ..
وبعدها باسبوع تعرفنا برضه ع ألماني نفس فكرة الهولندي .. يعني قروب إنما إيه .. مدري كيف تجمعنا هههههه بس اجتمعنا وانبسطنا الحمد لله

وصرنا " رحّالة " !

راح أعرض لكم بعض الصور من بعض الزيارات في مانشيستر و المدن اللي حولها ..

في مانشيستر زرنا " ملعب نادي مانشيستر "> رغم اني مالي بالدوري الأوروبي .. حدي الهلال والسعودية وبس .. لكن قلت طالما هو معلم هنا , كويس أني أزوره وأصوره ..

راح أنزل الصور بإذن الله في هذه التغطية على شكل مرتب بالمدن ,

" أتمنى الانتظار قليلاً حتى تظهر جميع الصور " 138 صورة " لمن اتصاله ليس سريع "

مانشيستر – Manchester

مع التمشية لأول يوم أخذنا هالصور من بين المناطق السكنية

هذه نسخة من لندن آي اللي في لندن

من السيتي سينتر

مبنى جديد إلى الآن لم يتم تشغيله .. نسيت بصراحة وش تبعه


شفتهم وتذكرت الدوام

كل مدينة فيها مركز معلومات " Manchester informaition " تدخل فيها وتحصل اللي تبيه من معلومات

وهذه اللي تشوفونها بالصورة على شكل شاشة كبيرة فيها خريطة مانشيستر

والعلبة هذه خاصة للفنادق لما تحطها بأي مكان وتلفها يمين تتوسع الدائرة وتعطيك الفنادق اللي حول هالمكان اللي أنت حاط عليها العلبة مثل ما هو موجود بالصورة التالية

وتطلع هالنقاط الوردية .. ولما تضغط ع وحده منها تطلع لك بيانات الفندق

وفيه علب كثيرة .. فنادق .. مطاعم .. وغيرها من العلب 

الحديقة المقابلة للسكن


 

 

هذه من السيتي سينتر

برضه من السيتي سينتر

هالمحل بصراحة شدني أول يوم هههه

مدري وش هدف وضع الآلات ع الفترينه

وهذه صورة مقربة


طلعنا بأحد الأيّام لاستاد نادي مانشيستر وتمشينا فيه وأخذت صور كثيرة له وهذه بعض الصور من الملعب من الخارج ثم من الداخل ولا أحد ينتظر مني تعليق ع الصور , لأني مالي بهالفريق أو هالدوري بالكامل















































هذه حقت الصحفيين , اللقاءات ومدري إيش

وهذه منطقة مبيعات اللبس والكور والميداليات و و و ..

 


Liverpool – ليفر بول

تمت الزيارة لمنطقة " ليفر بول " , وكانت جميلة جداً ورائعة وبالصدفة صار هادي ورائع وبراد , يعني الحمد لله كانت جداً جميلة

انتقلنا إلى ليفر بول عن طريق القطار طبعاً

أحد اللقطات واحنا بالطريق في القطار

محطة القطار في ليفر بول

سيارة سياحية في ليفر بول بنفس الوقت تمشي بالشارع و البحر تنقلب قارب

تجربة من الدفاع المدني في إطفاء حريق سيارة أمام الناس في السيتي سينتر

الحبيب الهولندي خويي بالرحلة

مره ثانية هالسيارة نقابلها بالشارع هههه

أعلى مبنى في ليفر بول من خلاله تشاهد كل ليفر بول

أحد الأسياب اللي من خلالها نوصل لأعلى قمة حسيت اني داخل مغارة على هالضيق

هذه اللقطات اللي من أعلى قمة في ليفر بول

راحة في أحد المطاعم بعد التمشية في المدينة


Blackpool – بلاك بول

مدينة صغيرة , تكفيها يوم واحد , ما فيها شيء كثير فلذلك يوم واحد باعتقادي انه مناسب لها

محطة القطار في بلاك بول

سيمون يركض خوفاً من السيارة

هنود حمر الظاهر  

تذكرت سالي مدري ليدي  

مدام توسا في بلاك بول , لكنه مو مثل اللي في لندن من ناحية الشخصيات , اللي هنا شخصيات إعلامية وممثلين ومشاهير فنياً فقط

هذولي الظاهر طباخين أو زي كذا نسيت  

لاعب ما أعرفه  

هالخبل بكل مكان  

أحب أتفرج عليهم وهم ياكلون ويمشون .. سبحان الله ,  

قال إيش .. قال اركب هاللعبة يا عمي طييييييييير ههههههه  

بيلا إيطاليا !! و لازانيا

شيء خرافي وقت الجوع !


York – يورك

مدينة صغيرة , هادئة , تسوق , تمشية , 6 ساعات كثيرة فيها

محطة القطار في يورك

فترة راحة وكوفي مع الزميل الجديد الألماني

أطلق شيء

Lost هههههههههههههههههههههههههههههههههه       

مهابيل هههههههههه

 

حديقة تاريخية في يورك

فترة إطعام البط

مدري من اللي مقلد الثاني سور الصين العظيم مقلد يورك أو يورك مقلد سور الصين العظيم   ؟ نرجع للأقدمية هههههه


وبس

هذه التغطية حبيت أخليها بتدوينة وإيميل واحد , حتى ما نطولها والصور ما كانت كثيرة مره

أتمنى تستمتعون بالتغطية البسيطة


2 التعليقات:

غير معرف يقول...

حمستني بالصور خلاص قررت اروح لها ههههه ..

غير معرف يقول...

صراحه تغطيه ولا احلى
بس سؤال واذا ما ودك تجاوب علدي
تقدر تقلنا كم كلفتك السفره بالضبط وقد ايش قعدت هناك؟

وشكرا