اعلن معنا

ساهم بتفطير المعتمرين واكسب أجرهم - المستودع الخيري بمكة المكرمة



السلام عليكم ورحمة الله وبركاته

الله يتقبل منا ومنكم صيامنا وقيامنا وصالح أعمالنا
كل عام والسعودية بأمن وامان والشعب بأحسن حال
قسم بلله الواحد ماودهـ بهاليوم عشان الجحلط الي مقفلين الشوارع ويغنون ويرقصون بايام رمضان الله لايغضب علينا
يقالهم عندهم وطنية !!!
لاحول ولاقوة الا بلله .... الله يهديهم بس



اليوم بدخل بموضوعي دوغري

كتب الله لي واعتمرت الاسبوع الماضي اللهم لك الحمد يارب <<< ياهالعمره الي اقلقتنا فيها تقول اندونيسي معتمر وهو عمره سبعين

الله يتقبلها يارب قولوا امين

وابشركم دعيت لكم كلبوووكم

انا تقريبا صار لي سنتين ماجيت مكه ... بصراحه في تغير كبيررر بالحرم هالسنه

خصوصا من ناحية الشحاذين والافارقه والبسطات المنتشره حوالين الحرم

يقال والقول لصاحب التاكسي الي وصلني للمطار ان خالد الفيصل اشتغل لهم شغل ... جلسلهم جلسه على كوع وركبه

الله يجزاه خير ويعينه

بجد والله

وربي رحت وجلست يومين ماشفت شحاذ واحد

الي لفت نظري برضوا ... كنا بالسابق اذا ررحنا للحرم نلاقي في ناس تبيع تمر بكراتين .. ويقدر الزائر لبيت الله يشتريها ويوزعها للمسلمين يفطرون عليهااا

السنه هذي برضوا ماشفت ولا واحد منهم ... صار في تنظيم
صار الشغل كله في مركز مثل الجمعيات الخيريه اسمه

المستودع الخيري






http://jedcs.org/

هذا رابط موقع المستودي الخيري بجده بس ما ادري ليش حق مكة مقفل !!


وش دورهم هذا المستودع ؟


http://www.youtube.com/watch?v=NG3PUL9iiwU

دورهم كبيررر في جميع اوجه الخيرر ... بس الشيء الوحيد الي كنت انا ابحث عنه هو تفطير الصيام عند الحرم

تخيل ياخي مسلم يطوف ... والثاني يسعى ... ومحرمين وتجي انت تعطيه تمره وتأخذ مثل اجره
تأخذ مثل اجر مسلم معتمر بس عشان تمره
مو اجر فضيل وعظيم ... واي عمره ... عمره تعدل حجة مع النبي اللهم صلي عليه وسلم

كما ورد عن النبي عليه افضل الصلاة والتسليم انه قال : ( عمرة في رمضان تعدل حجة معي )

فالأجر عظيم

نرجع لمحور حديثنا

المهم اني بحثت عن الي يبيعون التمر حول الحرم مالقيتهم ... قالوا لي خلاص هذولا معاد راح تلاقيهم
تبي تساهم بتفطير الصائم مالك معاذ قصدي مالك الا المستودع الخيري
هذاك مكتبهم بجانب الحرم تقدر تتدفع عندهم واعتبرها وصلت
وتقدر تساهم وانت بيتك في الرياض حتى لو ماجيت للحرم

قلت وشلون

قالوا عن طريق هذا الكرت





قالوا
تودع في حساب المستودع الخيري انشاءلله من الانترنت وانت جالس تتصفح بالنت


رقم الحساب لافطار الصائم في بنك الراجحي :
201608010350558
تأكدوا من الرقم لايكون خطأ بس




قيمة الوجبات الي توزع حول الحرم بـ 5 ريال ... او انك تساهم في التمر الي يوزع داخل الحرم
يعني الايداع راح يكون حسب ماتجود فيه النفس <<< لاياشيخ يقالك جايب شيء جديد

انا بصراحه صورت الاعمال الي يقومون فيها الاخوان حول الحرم الله يجزاهم الف خير

وراح اتركم مع الصور



هذه صورة الشباب القائمين على المشروع وواضح السفره الممدوده والكراتين الموجود فيه افطار الصائمين



وهذه صوره ثانية
وواضح فيها المسئول عنهم يوم جاني وقال لي لاتصور
بس يوم وضحت له الصوره اني باكتب موضوع بالنت واسوي تحرير وسبق نتي قال اوكي على القوه



وهنا يتضح الصوره من بعيد وموقع التفطير في ساحات الحرم المكي

طبعا ماقدرت اصور الناس الي معهم صواني التمر ويوزعونها على الطائفين حول الكعبه والي برضوا حول المسعى

لكن الشاهد في الأمر ... الاجر عظيم

فلا احد يبخل بالمساهمة مع هذا المشروع الخيري سواء بالايداع في حسابهم او الاتصال عليهم والتنسيق معهم
او بنقل هذا الموضوع على وعسى يعم الاجر بيننا
كتب الله لنا ولكم الاجر


سبحان الله وبحمدهـ ,,, سبحان الله العظيم

حــررهـ

الصحافـ تسوونامي ـ بناخي لويس التاسع عشر


من الآرشيف

--









سبحان الله وبحمده ,,, سبحان الله العظيم
 




follow me











0 التعليقات: