اعلن معنا

قصتي مع موبايلي #mobily

From: xx shaado xx xx shaado xx <xx-shaado-xx@hotmail.com>







موبايلي وطول الانتظار

السلام عليكم ورحمة الله وبركاته .

اليوم بحكي لكم قصة موبايلي وطول انتظاري في سبيل اني احصل رد من خدمة العملاء .

قصتي مع موبايلي ،،

عذراً على الاطاله ولكن لو تم قرائتها بتتفادون باذن الله الكثير من الاخطاء وبتعرف بعض الاعذار الواهيه الي ممكن انها تنقال لك في حال صارت لك مثل هالمشكله .

في يوم الثلاثاء بتاريخ 06/09/2011 وعند الساعه 4 صباحاً

وصلتني رساله مفادها ، عزيزي العميل سيتم احتساب اشتراك بلاك بيري بعد 3 ايام البلاكبيري ر.س عند الرغبه في استمرار الخدمه .

وفي يوم الاربعاء بتاريخ 07/09/2011 وعند الساعه 7 صباحاً

وصلتني رساله ثانيه مفادها ، عزيزي العميل الرجاء التأكد من توفر رصيد كافي لإعادة تجديد عرض البلاك بيري 50% خصم على الاشتراك الشهري .

وقتها انا وفرت رصيد 50 ريال بتاريخ 08/09/2011 قبل لا تنتهي الخدمه بيومين علشان اذا انتهت الخدمه يا يكون التفعيل عن طريق سستم موبايلي نفسه او بتتوقف عندي الخدمه وانا افعلها عن طريقهم علما بان التفعيل يتم بشكل تلقائي ، تركت الرصيد على حاله لدرجة اني ماكلمت احد واي شخص بتصل عليه اتصل عليه من جوال الـ stc  علشان ماينخصم شي من رصيد الخدمه ، وفي يوم الخميس بنفس اليوم المساء 08/09/2011 بدء الرصيد ينخصم بدون اي سبب مره تنخصم ثلاث هللات ومره ينخصم ريال ومره ينخصم عشره ريال الى ان صار مجموع المبلغ المخصوم 50 ريال . اتصلت على رقم خدمة العملاء 1100 ورد علي ممثل خدمة العملاء وشرحت له الي صار معي وكان رده لي بانه مايقدر يخدمني الا بعد مرور 24 ساعه على الخصم وسالته متى اقدر اتصل قال بعد الساعه 11.30  مساء الجمعه تاريخ 09/09/2011  لان في هذا الوقت يكون كمل الخصم 24 ساعه ويبان كل شي بالنظام واسباب الخصم ووضح لي بان في حال تم التاكد من ان الخصم صار عن طريق السستم وثبت اني ماكلمت او استخدمة الجوال راح يتم تعويضي بالمبلغ المخصوم  وفعلاً ماكلمتهم الى ان جاء الوقت الي قال لي الموظف اتصل فيه الساعه 11.30 واتصلت رد علي شخص قال للحين مو باين شي للحين اتصل بعد خمس دقائق ورجعت اتصلت رد علي واحد كان كلامه لي بان الخدمه عندي مفعله وشغاله اوكي مافيها اي مشكله وقال انه بيسوي تنشيط للخدمه عن طريق السستم وطلب مني افصل البطاريه واطلع الشريحه لمدة عشر دقايق وسويت كل الي طلبه مني والى الان ماصار شي  حنا الان في صباح يوم السبت بتاريخ 10/09/2011 والان كل ماتصل على خدمة العملاء على رقم 1100 اجلس ساعه كامله ولا في احد يرد علي لدرجة اني حفظت كل الكلام الي يقوله الرد الالي طوال فترة انتظاري  وبالنهايه يطلب مني الرد الالي اقيم مستوى الخدمه  والتقيم اجباري ولا بينقطع الاتصال ومجرد ماترفض ينقطع الاتصال او انك تختار تقيم مستوى الخدمه سيئ برضو بيقطع الاتصال وترجع تتصل وتنتظر ساعه ونفس المكالمه السابقه .

السوال الي هنا بطرحه ..

الى متى التسيب . وعدم المبالاه بخدمة العملاء .

اذا شايفين موبايلي ان العملاء ولا شي وان في ناس شهرياً تسدد فواتيرها

ترى قبلكم كان في شركة الاتصالات وكل العملاء الي مستفيدين من خدمات موبايلي كانو بالسابق تابعين للاتصالات

يعني نفس ماغيرو الاتصالات عندهم استعداد يغيرون موبايلي ويرجعون للاتصالات او يستفيدون من زين

موبايلي ياساده اذا اتصلت عليها من رقم موبايلي من النادر جدا انهم يردون عليك خدمة العملاء

لكن اتصل عليهم لما تكون عميل تميز او كان اتصالك عن طريق شريحة تابعه للـ stc  او زين السعوديه وبيردون عليك على طول وباسرع وقت

مايهمني وش راح تكون ردة الفعل من بعد هالكلام وهل في تحسن بخدمة العملاء من موبايلي وباقي الشركات او لا كثر مايهمني ان الكلام الي بخاطري قلته وبس وهذا لا يعني باني متحامل على شركة موبايلي دون كل الشركات لا والله لكن انا اتكلم على الي صار معي والشي الي انا عشته .

عموما انا اتوقع ردهم علي بيكون ان الرصيد الي انخصم منك راح يغطون فيه خدمة شهر 7 اغسطس  لاني فعلت الخدمة بخمسين ريال و ممكن بعد ما افعل الخدمه مره ثانيه بتجيني رساله من موبايلي مفاده كلمة ناصر القصبي المشهوره (مقبلتكم يابوي) واذا بتجبرونا على مبلغ 100 ريال علشان تفعيل خدمة البلاكبيري زين والاتصالات مسوين عروضهم للحين اشترك بنصف المبلغ  .

والي يشوف ان كلامي فيه مبالغه يتصل على رقم 1100 ويتاكد من صحة كلامي

اليوم وعند الساعه الـ 11 من صباح يوم السبت الموافق 10/09/2011  وبعد طول انتظار وتكرار الاتصال

تم الاتصال على رقم خدمة العملاء 1100 من جوالي الاخر الموجوده فيه شريحه تابعه لشـركة الاتصالات stc  ، ولم يمضي سواء خمس ثواني من بداية الاتصال الى ان قام موظف خدمة العملاء بالرد على اتصالي واعتذر عن تاخير خمس ثواني وطلبته منه ان اقوم بالتحدث مع احد مشرفين خدمة العملاء وبعد الحاح مني استجاب لطلبي وتم تحويلي على المشرف  ،

وتم  التحدث مع المشرف وشرح المشكله الحاصله معي له وذكرت فيها جميع ماحدث من خلال المكالمات السابقه ، وافاد بان من يتحمل المشكله هو انا العميل حيث انني قمت باستخدام ماسنجر البلاك بيري والتصفح والخدمه مفصوله لدي .

معلومه :- اخر تفعيل للخدمه كان بتاريخ 10/08/2011 وتاريخ فصل الخدمه هو بتاريخ 08/09/2011 يعني الخدمه اشتغلت معي اقل من شهر

 امنا بالله ماقلنا شي وحسب كلام المشرف بان سستم موبايلي عند توفر الرصيد هو من يقوم بتجديد الخدمه وتفعيلها تلقائياً ، وافدت باني قمت بتوفير الرصيد ولا اتحمل اي خطا او مشكله موجوده في سستم موبايلي .ومازال مصر اخينا في الله اني انا الي اتحمل الخطا مما اضطرني الي تقديم شكاوي تقدمت بثلاث شكاوي الى الان لم يتم التواصل معي بخصوص الشكاوي المقدمه علما بان من قام برفع الشكاوي لي هو المشرف الذي قام بالرد على اتصالي والذي اخبرني بان النظر في الشكاوي المقدمه مني لهم راح يكون ردها وحلها في 48 ساعه القادمه يعني الاثنين كحد اقصى .

نحن الان في يوم الاربعاء تاريخ 14/09/2011 ولم يتم الرد على الشكاوي المقدمه لهم ، وكل مافي الامر تم ارسال ثلاث رسائل على رقم جوالي تفيد بانه جاري العمل على الشكاوي المقدمه لهم وسوف يكون الرد في اقرب وقت ممكن ، انا ماقدمت شكاوي علشان انتظر رسائل على جوالي تفيد بالعمل على الشكاوي ابي احد يتصل علي ويتناقش معي بخصوص مواضيع الشكوى .

 

 

في حال تم قراءة قصتي من قبل احد موظفي موبايلي او احد المسؤولين في شركة موبايلي .

رقم الشكاوي الذي تم تقديمها هي :-

الشكوى الاولى : 1-15863330013

الشكوى الثانيه : 1-15863330017

الشكوى الثالثه : 1-15868204372

ملاحظه :-

للامانه انا مايهمني المبلغ الي راح كثر مايهمني ان يكون في حد للاستهانه بالعملاء وتقديم الخدمه الذي تجبر العميل على عدم البحث عن الخدمه الافضل .

 وللامانه انا عندي استعداد افعل الخدمه قبل اني اكتب هالكلام وفي اي وقت لكن الي حصل لي ممكن انه يكون فال خير للناس الي يحصل لهم نفس ماحصل لي .

والله العظيم الى الان هالشي صاير مع اربعه من اصدقائي توصلهم رسالة تفيدهم بان الخدمه باقي لها ثلاث ايام وتنتهي والرجاء توفير رصيد ويوم يوفرون رصيد ينخصم المبلغ بنفس الطريقه الي انخصم فيها المبلغ من شريحتي ويتصلون على خدمة العملاء يفيدون الموظفين بان العرض راح عليك وعلشان تتفعل الخدمه لازم تفعلها بمبلغ 99 ريال  .

كل ما اتمناه ان يكون هناك جديه في امر الشكاوي وان يكون هناك احترام لعقول العملاء .

تقبلو تحياتي  اكرر اسفي واعتذاري عن الاطاله

وراح يكون في ايميل بعد مايردون علي بكتبه هنا بالايام القادمه باذن الله .

 

 

 

 


1 التعليقات:

غير معرف يقول...

انا صارت لي نفس سالفتك ولا هي اول مره يسونها لي يتعذرون ان ١ قيقا خلصت وانها خصمت على الرصيد ياسبحان الله ماتخلص الون قيقا الى قبل التجديد بنص يوم قهرووووني وغيرت شريحتي لزين قلت خل اجربهم يمكن اقل لهف من موبايلي وstc