اعلن معنا

عازف الصمت

From: ياسر العبدلي <aborezq@hotmail.com>




 

عازف الصمت

 

ليه يازوايا صورتي ضايع

واحساس قلبي صار برّاني

يعصاني دمعي والحزن طايع

ويبوح جرحي ويتحداني

ويطول صمتي في الفرح

ويغيب نوري في الصبح

ياجوف حلقي اللي انجرح

انا للضحك جايع

**

أمسي ..

مثل شمعه طفتها الذكريات

حتى الاماني ريح !

وجه السعاده يشيح .. ويلد الالم

واوراق عمري تطيح

وين اجمع حبوب الندى

وغبار طلحي والرحيق

الغصن لوّح بالوداع

والشمس بأطراف الطريق

كلي شغف حتى النخاع

يرجع لي حلمي من الضياع

 


0 التعليقات: