اعلن معنا

قسم الاستشارات النفسيه ..1..

From: ليلى <miss.dla3@gmail.com>





المنتيات  الاجتماعيه  ---->  منتدى الاسره ---->  قسم الاستشارات النفسيه والاجتماعيه (والاولى تكون الاسشتارات العقليه )

هذي التقسيم  الفرعي  في اغلب المنتديات المتواجده الان وخاصه اللي تتواجد فيها قسم الاستشارات النفسيه وغالبا مايكون محتواها اشياء بايخه وجميعها امور اقل مايقال عنها سخافه ...نادرا ما الاقي موضوع عليه قيمه ويستاهل انه يكون مشكله واننا نتلاقى ونعطي حلول وفرضيات واستشارات وكل شي من هالامور ...   .

__انا ما استخف من مشاكل الاخرين ولا اقلل من قيمتها ممكن تكون هي عظيمه عندهم لانهم واقعين فيها ويهمهم هالامر اي كان لكن المشكله او العله مو هنا العله لما تكون امور سخيفه  جدا ومو مستدعيه اننا نكتب انها مشكله او نحتاج الى استشاره ولا هي كبيره وشي محتاج اراء اشخاص اخرين ولا اي شي من هالامور والاعظم من هذا كله  البعض توصل فيه انه يكتب مواضيع مايجوز علينا نتكلم فيها ولا نطرحها كموضوع استفتاء ولا اراء ولا اي شي من هالنوع .... والبعض يبي حلول لمشكله حبه النتيه <<<<هالموضوع بكل مكان وبشكل فضيع رغم ان المشكله وحده والاسباب وحده وكل مايخص هالموضوع واحد رغم تعدد الاشخاص وحياتهم وطرق تفكيرهم .

__واكثر ماشدني بالمواضيع هذي  السخط من القضاء والقدر ولا من خلق رب العالمين ... شي يحزن ....لاي مستوي وصل فينا الايمان برب العالمين وحكمته ... 

__انا ما اتطنز على حياة الاخرين ولا اتهزئ فيهم ولا اقلل من مشاكلهم ولا اي شي من الاستخفاف فيهم  او باشكالهم ....لكن شدني الردود على هذي المشاكل واصحابها وفوق هذا كله اصحاب المشكلات


فيه مواضيع لحد الان عالقه ببالي  ...... اول شي اللي تبي حل لمشكله ان زوجها شين !!!! 


 

_ في احد المنتديات وحده حاطه موضوع كبير عريض  ان زوجها شين وقرفانه منه وماعجبها رغم ان كل شي فيه زين وانها تفكر تتطلق منه لسبب هذا .....الكل طبعا بذا الموضوع هزأها وانها ماتستاهل هالشخص اللي قاست الحياة والزواج على زين وشين ..

(انا ما اقول انه مو من حقها تطلب الزين بالعكس هذا من حقوقها لكن المفروض قبل الزواج تقدر ترفض هالشخص مو بعد الزواج وبعد ما استمعت بكل شي توها تفكر انه شين وين ايام الملكه وين الجلسات وين هذا كله يعني اول كنتي طايره بالعرس وانه تبي تتزوجين عقب فتحت عيونك وعرفتي انه شين  ...ولو ان الاشخاص ماينقاسون بالشين والزين وفوق هذا من عرفت الدنيا يقولون الزين يوم ويروح (المعنى انه تتعود على الشكل يعني وش تبي تسوي بزينه ) ما راح اقول الرجال يعيبه جيبه مثل الغير لكن حتى الزوجه لو كانت شينه وين العيب بذا الشي  الحياة مو كلها عرض ازياء وحتى لو عرض ازياء غالبا العارضات شينات مافهيم الا قصاميل الدجاجه وطوال لكن زينه يخلف رب العالمين عليهم ...وين المشكله بان زوجك  قليل جمال او معدوم الجمال  ...والاحرى ان المشكله فيك وفي تفكيرك القبيح وتذكرت وانها تقرف منهولا تبيه يلمسها كزوج .


_ والثاني كان حاط موضوع طويل عريض ويعطي حل للشباب اللي يكلمون بنات انه مايخلون البنت تخقق عليه وتموت عليه لانه هو يعاني من وحده تراسله من بعد الزواج انها تقول اني اتخيلك انت بدال زوجي في علاقات الحميميه  واني مو قادره اشيلك من بالي ...وانه هو فخور بالشي هذا لكن هو ماعاد وده يعذب بنات خلق الله فلازم يطرح حلول للشباب عشان مايعذبون البنات عقب زواجهم  <<<<موضوعه كان طويل وكله حقاره مثل شخصه وهذا مختصر الموضوع .


_ثالث موضوع كانت وحده كاتبه انها تحب ولد خالها مدري عمها مدري عمتها الزبده فيها قرابه وان الكل يدري انها تحبه وهو نفس الشي لكن المشكله انهم فقيرين وانه دايم معاه فلوس عقب اكتشفت ان هالولد (قاي ...شاذ يعني وان هالفلوس من ذا الشغله  ) المهم وانها هي تبي حل لكن مو له تبي احد يأيدها انها تتزوجه وانه عادي مايهمها العلاقات الحميميه اهم شي تبي تتزوجه لان هالاشياء السخيفه بارأيها مو مهمه ...المهم انه يجتمعون ببيت واحد وان حبها البرئ والطاهر اللي ماتهمه الاشياء السخيفه يكتمل ...وفوق هذا هو مايبي يتزوج الحين لان مامعه فلوس وان طول الوقت يماطلها ومايبي يعرس المهم اغلب الاعضاء يعلمونها انه حتى لو تزوجته ماراح تحصل منه شي  لانه مايميل للجنس الناعم بتاتا وانه مو الفقر اللي مخليه يسوي كذا ... وكان نقاش طووويل عريض وكله تدعي المثاليه وان امور الجنس وغيره ماتهمها وانه شي مو مهم بالزووواج  ( اللي كان مخلي استفهامات عندي  وعلامات  اجل الزواج وشو كان ودي اسألها وش مفهومها عن الزواج وشو هو بالضبط وش يعني بالنسبه لها وش تعريفه عندها ...اذا متزوجه  وماراح تكونين اسره ولا راح يكون فيه اولاد وبنات وحياة اسريه كامله ليه الزواج من شخص انتي عارفه ميوله كيف ...برضوا واضح انه ماعندها اي تفكير بالمستقبل على ان غالبيتهم يوضوحون لها انه الان اهم شي تتزوجه بعدين راح تفكير ليه ما احصل مثل غيري ليه مايكون عندي بيبي مثل غيري ليه حياتي مو كامله وكان ردها مثل قبل ماتهمها هالامور ... هالموضوع قعدت فتره كل مره اعيد واقرى الردود ماكنت مصدقه انه فيه ناس كذا تفكيرهم لدرجه هذي يعمون عيونهم عن كل شي صح واذا احبه وين الصح بالموضوع حبيه ووأعشقيه لكن فوووق هذا حبي نفسك وحياتك وراحت بالك واستقرار حياتك ومستقبلك مو اتزوج عشاني احبه مو كل من نحبهم يستاهلون هالشي ويستاهل التضحيه بكل شي ..حلو الواحد يكون عاطفي  وعنده اشياء يميل لها وتفرض عليه حياته لكن العقل والمعقول هو فوق كل شي والصح  والواقعي هو اللي نمشي ونفكر فيه ....


_وهالموضوع بالذات  شفت فيه كميه سخافه وتفكير تافه وكل شي بالحياة في صاحبه المشكله اول الامر قلت يمكن بنت الناس فيها مرض ولا شي وانا ظالمتها لكن لقيت كل الاعضاء من ردودهم مبين انه صح علي ونفس اللي انا فاهمته .(مشكلتها تقول انه انا جميله مره ومسويه نفسها باريس هيلتون من كل شي من نعومه ومن دلع وزين ماعلينا وتقول لما بلغت 15 سنه او 12 سنه نسيت صار وجهي نفر وصرت دبه وصار شكلي معفن واني مره قرفانه من نفسي واني صرت اعالج بس مايفيد واني اخسر اهلي  فلوس مايفيد العلاج فيني واني حتى عرس اختي ماحضرته وكل ملابسي اكمام طووويله وكل شي ومايطلع غير راسي انا ما ألومها ابد (كان فيني حبوب شباب وسبب لي ازمه بس مو لدرجه اعتزل الناس  وقعدت اعالج والان لي 4 سنين والحمدلله ماعاد فيني شي يذكر لكن مو اعتزل الناس سلامات )طيب المكياج وشوله مصنوع موب عشان نخفي عيوبنا ويخلينا مره نشبه انجلينا ومره نشبه حليمه ومرات هيفاء ...انا ما اتهزئ او استصغر من مشكلتك لكن مشكلتك حلها اسهل من السهل نفسه  ..قامت وقالت انه ماعندها ماديه تعالج نفسها وش لها تدفعين فلوس المستشفيات الحكوميه فاتحه بابها واقل شي روحي للمستشفيات الجامعيه يتطببون فيك ذا الطلاب...  قلت يمكن البنت جد ماعندها ماديه قعدت احسب خسايري بالسنوات هذي وهي على الاشياء الرئيسيه   من غير كمليات اللي من تقشيرات عقب العلاج وواني ادور دكاتره مره معروفين يمكن مايجي 3000 بحسب لك الاشياء اللي تعالجت فيها (روكتان اعتقد سعره 150 وتاخذين علبيتن بالشهر وغالبا مده العلاج من ست شهور الين 9 شهور ) وبعدها كريم تقشير مايجي سعره 60 ريال وكل هذا ماراح يتعدى 2000 ريال غير رسوم الكشف يمكن تطقين اذا قلنا مره اسرفتي 3000 حتى لو اخذتي غسول وما ادري من ذا الخرابيط  يمكن يزود الف ولا اقل ...فليش معقده حياتك عشان هالشي ومسويه مشكله وانك صرتي قبيحه من بعد زينك شي طبيعي انه يجيك حبوب شباب  عادي جدا ...وما اعتقد ماراح تقدرين على هالمبلغ وخاصه انه مو دفعه وحده ..


_ برضوا هذي وحده   تبي حل لمشكلتها ان وحده بالكليه تقلدها بكل شي بلبسها وشعرها وميكاجها وكل شي وان هالشي يقلق نفسيتها وخاصه ان البنات يقولون شوفي فلانه صايره نسخه منك وفوق هذا ان  البنت كانت عربجيه والحين صايره كوبي بست مني  وين المشكله بالموضوع ودي اعرف بالعكس  ذا شي زين خذتي حسنه بذا البنت وخليتها البنت الكيوته  واذا  انها تقلدك وش الحل يعني كيف تبينا نعطيك حلول انك تقولين لا تقلديني ولا تشترين مثلي وقفت عليها  من الطبيعي بتلاقين احد يلبس مثلك ونفس ستايلك بالعكس هذا شي يفرح انك شخصيه حلوه ومحبوبه وحابه تكون مثلك 


_هنا نجي للمتأثرين بافلام الاكشن والمدارس والمغازل (تقول صاحبة المشكله انه اهلها معقدين واشياء كثيره الزبده من موضوعها انها تملكت  وانه زوجها مايحب السوالف يعني مو مره ماتشوف اكشنات بفتره الخطبه مثل ماتسمع وانه دايم تفرض عليه اشياء وهو مره ماحب حركاتها والطامه الكبرى انها مو مستوعبه  ان الاشياء اللي تسويها غلط  وحقيره وكل شي وتتطيح من العين  الشي اللي اذكره من سالفتها الطويله  انه اتصلت عليه وقالت تعال اني انا بالسوق تعالي واني بطلع معك من غير مايدرون اهلي المهم انها متأزمه مره ومسويه سالفه انه ليش  ما انبسط وتقول اني اقوله وش رايك بذا الاكشن مو حلو الله طلعنا من غير مايدرون اهلي خلنا نبسط وهي مره ضايق خلقها ليش ما انبسط وانه طول الوقت ساكت وانه لما حكى قال شي عن لبسها يعني شي ماعجبه ( يابقره  يابقره الحين يدري ان اهلك مايبونك تشوفينه تواعدينه بالسوق حتى لو انه واحد بري ابراء شي بالحياة يبي يقوووول ذي متعوده  ..يعني راعيتها يعني خبره بالاشياء اللي تسوينها من غير علم  اهلك ) ولا وبعد مره زعلانه لانه مافرح بمفاجئتك وش تحسين به تكفين شكلك تكثرين منذا الافلام وتصدقين انه صدق يفرحون بالاشياء ذي تلاقينه مسكين طول الوقت يهوجس بذا الدجه اللي يبي يتزوجها وش وراها وش عندها من علووووم ...ياشيخه حتى البنات الدشير لي بغن يعرسن سووا انفسهم البنات اللي على وجيهم العليميات واللي ماتعرف شي وانتي كبيتي العفش كله  وتبينه يفرح بك ....


__ لحد الان الامور عاديه لحد ماقريت موضوع طووول بعرض(ضللو الكلام لانه بالابيض ) كم مره تنامين مع زوجك هذا العنوان ..دايركت دخلت الموضوع بشوف كميه الحقاره بذا المواضيع والاشخاص اللي يردون عليها ماراح امثل دوور البراءه فيني المهم الا الاقي  حتسي وكلام قسما انه اقشعر جلدي  وش يبون ذولي لهدرجه ماعاد نفرق بين الحرام والحلال لهدرجه صارت هالمواضيع مكان للضحك والسوالف والتعليقات وكل وحده تشرح طريقتها 


ووحده تقول من مرتين لي ثلاث واللي تقول وووع مالي خلق عساني اعطيه مره وحده ولا فوق هذا وحده حومت تسبدي تقول لي بغيت اتروش رحت اتحكحك فيه عشان اضرب عصفورين بحجر واحد  (جعلتس للحكه   وش هالحقاره ) ولا اللي مره تقول على حسب مزاجي ..ولا اللي تقول لي بغيت منه شي رحت استعرض له عشان يرضي علي واخذ اللي ابي منه  كان موضوع طووويل وشرح كم تقدر تصبر عنه واشياء  مرره وقاحه ومنزوع الحياء منه احنا وش يفيدنا ذا الموضوع كم مده اللي تصبرين عن زوجك وش يفيد كم مره وكيف اساليبك اللي تستخدمينها عشان ترفضين هالعلاقه  والموضوع كان عادي جدا كل وحده ومسويه اني مستحيه بس ماعليه عشانكم بعلمكم كم مره  وجع يضربكن وش اللي عشانهم منتب مستحيه  لذا الدرجه ماعاد فيه خوف من رب العالمين لدرجه ذي صار كل شي ينقال ترى حتى النت والاشياء اللي تكتبينها بالنت تعتبر من الحرام حتى لو اني ما اعرف من انتي ...ومسوين مستحيات قلة حياء وكانت فيه عضوه تذكرهم بحديث انه مايجوز يفضون هالاسرار وعادي ولا كانهم شافوا اي شي ..

_-_ ودي بشي واحد ابي اعرف وش المستفاد من ذا الموضوع !!!!!!!


--


0 التعليقات: