اعلن معنا

أيها الناس انه مسج

From: لَيْلٍےّ <miss.dla3@gmail.com>






من اول ماطاحوا الناس بالمسن والنت وسوالفه ودائما مانلاقي ناس متخلفه او بالاحري فيها كميه غباء وتغيبي وسذاجه لحد الموت  بشكل مو طبيعي شي فوق الوصف بكل شي ..المهم فيه عقليات كانت ولا زالت تجنني تحسسني كأني شخص مقيد (يعني كاني وحده مربطه ) ودي افكك التفكير اللي براسهم ودي احلل الفكره اللي كونوها وعلى اي اساس تكونت ..مثلا ولأبسط الاشياء واللي للحين هالاشخاص الاعتقاد متمركز في عقولهم مايبي ينزلون مسنجر في اجهزتهم عشان محد يدخل كمبيوتراتهم وياخذ اللي فيها ويشوف اسراهم  ومن بعد ماطلع للكمبيوترات كمرات نفس الشي عشان محد يفتح الكام ويشوفهم وهم مايدرون ..من هالشاكله وحده مع اختي بالدوام تقول لا ما ابي انزل مسن بعدين يفتحون الكام قالت لها اختي انتي جهازك فيه كام قالت لاء قالت لها اختي اجل وش هالكام اللي يبي يفتحونها قلات هم يقولون وانا اخاف يفتحون الكام <<<ودي اعرف هالكام وين يمكن سريه في جهازها خخخخخ ...المشكله وشي ان هذي مدرسه  و ومثقه وسالفه ..... 

هذي نخليها على جنب شويه نجي للعقليات اللي مالها حل ابد ... للما طلعت الاجهزه الذكيه ومنها انظمه اندرويد اذونا واقلقونا بسالفه ياخذون صورنا ويشوفونا ..انا هنا ماراح اتكلم عن البرامج والاشاعات اللي عليها  ^_^ 



عندي وحده من خوياتي معها جالكسي ون ..المهم تشتكي لي انه ماقتدر تدخل على الماركت ولا تقدر تنزل شي قلت لها وش المشكله انا على بالي انه فاهمه وش السالفه لاني اكلمها من برامج محادثه كثيره تحتاج ايميل يسجل بالماركت المهم قالت لي اني فلان (تقصد زوجها ) يقول لا تدخلين الماركت ابد ولا تنزلين منه شي لان راعي المحل يبي ياخذ كل صورك وملفاتك  انا هنا فقعتها ضحك قلت وش يبي راعي المحل بصورك يا البرنسيسه وملفاتك وش هالشخصيه المهمه اللي انتي عايشتها عشان يراقبك واتركي ذا كله وش دخل الماركت براعي المحل حزتها كلي استفهامات لان مدري وش جاب راعي المحل للماركت قلت ابي اعرف كيف نزلتي الواتز اب قالت صاحب المحل قلت طيب وهو كيف نزله قالت من ايميله و ان زوجي يقول لا تدخلين عشان ايميله قلت سهل نسوي ايميل لك وادخل فيه وقلت ابي اعرف انتي كيف معك هالجهاز وما استفدتي منه مااستخدمتي قوقل ماب ولا اي برامج تحديد الاماكن هي اول شي شغلته كانت ممتعه ومسوي لنفسي اكشن وين ما اروح افتحها  واقعد ادور نفسي   .. قالت حدي افتح الواتز اب بس  قلت خلاص خليني نسوي ايميل وادخلي الماركت قالت لا  تبي تروح كل اشيائي لصاحب المحل قلت الله يعظم أجر صاحب المحل هاللي يبي يجيه كل شي من الناس اللي باعهم وش يبي بك هو حط ايميله ونزل اللي تبين يحسب ان اللي شاري الجهاز ناس فاهمه  مادرى ان عنده ناس سقيمه ماتفهم وش يبي باشيائك قالت تبي تصيرين ابخص من فلان (السي سيد خخخ قلت ترى مو غلط ان زوجك مايعرف  انتي ماتعرفين تقرين بالنت اقل شي وتتأكدين من هالخرابيط قالت لا فلان يكذب يعني !!!! حزتها مع ضحكي عيوني تسذا والله استغرب في بعض الحريم عندهم قوة ايمان بتصديق كل شي يقوله زوجها ترى يصلح يكون هو دبيجه مايدري وش الطبخه موب لازم يصير ابو العريف وكل شي خبره فيه  والله عجيب امرهم ....


ومثل هالشاكله اخت مدرسه مع اختي   (فككوها عاد ) تقول ان زوجها جايب لها جالكسي نوت وقايل لها تراه ب3000 ريال وتراه يشغل كل البرامج احسن من القديمات قصده الاصدارات اللي قبل وانه جالكسي نوت نوع جديد مانزل بالسعوديه ...<<<عقب ذي صدقت ان فيه رجال ماخذين حريمهم مخفات  يعني انتي يا سبيكه ماتعرفين النت وتشوفين وش ذا النوع اللي موب عند احد الا انتي يا الملكه ^_^ وراتس مصطفاة من البشريه وجايب لك جهاز موب مع احد  ...عاد تقول تكفون علموني هو يخف بي ولا وشو ..واعلمها انا  وتقول لاختها واختها تقول لا ما اصدق اكيد مو مثل جهازي انا ابيض مو مع احد وعاد انا علمتها قلت اذا جرير بكبرها والاتصالات يبيعونه بالفين وسبع  ما اعتقد فيه محلات اجشع منهم في رفع الاسعار ولا بعد قلت قولي لها اني من شهرين شاريته بالفين وخمس والحين الجهاز ينباع بالفين وثلاث يعني كذا ولا كذا زوجك بو شلاخ   واصور جوالي وارسله لها وتنهبل تقول هين اوريه ^_^ هالتسذاب لا قيني يلعب علي ...... 

عاد نرجع للبشريه اللي تقول لا تحطين ايميلك عشان مايراقبونك وتسذا ..قلت لهم انا فوق 5 سنين مسجله رقم جوالي واسمي  كله في قوقل ولا جاني الا العافيه ماشفتهم يوايقون علي ولا احد دخل علي.. الله واكبر يا المهمه اللي يبي جييبون خبري اتركوا ذا كله  فيني حاقص واقص ودي اعرف هالملفات المهمه والصور الخطيره اللي مايبون احد ياخذها  ولا فوق ذا وحده تبي تشتري دومين من قوقل وتبي الطريقه واشرح لها وصلت الين تسجل الفيزا قالت لا هين ذا النقطه باحط اي اسم اي خرابيط قلت مايصلح لازم الاسم اللي في الفيزا قالت لا موب لازم بعدين يعرفون اسمي ..ياذا الاسم اللي مقلق البشريه قلت وش دخل اجل كيف يبي يسحبون فلوس منك لازم يطابقون البيانات اللي بالبطاقه !!! 


قسم لي شفت ذا البشريه ودي كذا اجيب منفاخ واقعد انفظ هالافكار الغبيه ودي اسوي بث مباشر محد يقدر يغير الموجات واصحح افكارهم  ...


انتهى..




0 التعليقات: