اعلن معنا

من قال لازم وظيفه !!!

From: لَيْلٍےّ <miss.dla3@gmail.com>





من زمان الزمانات وتحديدا من قبل لا اتخرج بسنه ايام القعده بالبيت واني انتظر السنه الجايه عشان اختبر مادتي واتخرج الكل يبيني اتوظف ولا اروح لمركز تحفيظ واشياء كثيره واذكر اني دندرتكم بذا السالفه المهم نجي الان لما تخرجت ولي الان تخرجت سنه من استلمت الوثيقه وسنتين تخرج من الاختبار الزبده اني ذيك السنه اللي قبل لا استلم الوثيقه كل من قال ماقدمتي اقول ابد احتري الوثيقه تطلع وبقدم وكل من سأل قلت ذا العذر ولا لي جينا لصدزه ان هالوظيفه موب هامتني موب  ما ابي وظيفه لاء بالعكس ابي اتوظف بس مو لدرجه الهوس واني بتنفقع مرارتي وتسذا واني خلاص بموت ليه الناس تتوظف وانا لاء واقعد ادهر فلانه توظفة وانا لاء وعلانه جابت واسطه واقعد اسوي افلام ...نجي عاد لزبده الموضوع من كم يوم تناقشة انا وبنات بقروب على ذاك المقطع  البنوته المقهوره المنحره  المحتره من اللي يتوظفون وهي لاء وانها دافوره مره وشاطره وكل هذا ماشفع لها بالوظيفه وانها قسم كيمياء واكشخ شي ولازم تتوظف..... نجي لسالفه اني قلت ترى موب لازم الوظيفه وان الدراسه والتعليم اللي ناخذه هذا لنا شي ينفعنا مو لازم نتوظف فيه قالو لي هي محتره ومن القهر ان لها سنين ماتوظفت وهذا من قوة قهرها ....انا ابي افهم شي واحد بس واحد من اللي قايل ان كل من تخرج لازم يتوظف خصوصا البنات الرجل على الاقل يفتح بيت ومصروف وسوالف يعني انه رب الاسره مستقبلا وتسذا ...

البنت ودي اعرف من قايل لازم الوظيفه وان كل وحده تتخرج لازم تتوظف !!!!! عزيزاتي  هالتعليم اللي ناخذه وكرف السنين اللي ذبحتونا فيه  تراه لكم علم يفيدكم مستقبلا ويفيد عيالكم يعني انتي الان تخصصتي بأي قسم ....مثلا نقول رياضيات هل لانه انتي تحبين هالتخصص وحاسه انك تبي تعطين المجتمع فايده وانك تبي تثرين الساحه العلميه ولا هو شغف للعلم ولا ايش ....وانتي ياتخصص اللغه العربيه ولا الدراسات الاسلاميه ولا الانجلش ولا غيره من الاقسام ابي اعرف ليه درستوهم وضيعتوا عمركم على موالكم كرفنا وضيعنا عمرنا ...الاكيد والاغلبيه لانه هي الاقسام الوحيده المتواجده بكل كليه تربيه بالمملكه ...انا معكم انه هي الموجود .طيب دامك تكرهين ذا القسم ليه تضيعين عمرك فيه اقعدي على الثانويه ولا تغثينا بسالفة كرفنا وضيعنا عمرنا والله محد حالف عليك ولا ناقص منا معرفه وعلم يومك قعدتي وماكملتي .... 

طيب نفرض فرضا ان الدوله وظفتنا كلنا كلنا مره ولا وحده من غير وظيفه بالله وين نبي نتوظف فيه وخاصتن كلنا نبي تدريس و لا نتنازل عنها  اعتقد يحتاج انهم يفتحون مدارس جديده طيب من نبي ندرس ...يعني خلوني اتكلم عن المنطقه اللي انا فيها الابتدائي 13 مدرسه من تحفيظ وتعليم عام وتعليم احتياجات خاصه وصعوبات تعلم ...المتوسط 6 والثانوي 6 وغير الكليه ....طيب لو توظفوا كل بنات المجمعه بيصير فيه فيضان معلمات طيب لو تكلمنا عن الرياض وش يبي يصير يمكن يصير انفجار نوووي من المعلمات ...(اعتقد انه بيصير نلعب مدرسه الاكيد كل البنات لما كانوا صغار لعبوها مايحتاج اشرح كيف كنا نلعبها )


طيب نجي لفكرتهم ان المعلمات القديمات يتقاعدون تتوقعون ان هالشي حل اكيد لاء ...برضوا انتوا يا الجديدات تبي تصيرون نفسهم وهالشي مو حل ..الوحده مايمديها تتعلم وتاخذ جو التدريس وتكتسب خبرات وطرق للتدريس واسلوب الا وهي متقاعده وبعدها يصير نفس الشي بكذا التعليم يصير فيه مشكله لان فيه معلمه قديمه متمكنه تقدر تساعد معلمات جديدات ولا المدرسه تكون ذات سمعه بمعلمه كفؤ .....(انا درستني معلمه مدرسه خالتي وبعدين اختي وبعدين انا وبعدها بنت اختي جدا معلمه اول ابتدائي رائعه وللعلم كانت تأخذ جوائز المنطقه في افضل معلمه صفوف دنيا ) ولو طبقنا كلام كل مدرسه قديمه تتقاعد التعليم بيصير في النازل اكثر من ماهو الان ......



P.S:كلامي هذا بعيدا عن ان فيه ناس محتاجه ويبون وظيفه وإلخ إلخ ..كلامي عام من غير اي حالات




1 التعليقات:

غير معرف يقول...

يا حبيبتي انا ما اطالب بالوظيفه لاني درست وتعلمت
انا اطالب بالوظيفه لاني ابي اكون يد عامله
مابي اجلس بالبيت بلا شغله وغير كذا ابي مصروف

ولو قلتي ان المعلمات بيكون كثير اقولك لا لان الحين ضاغطين المعلمات بمناهج متعدده وفصول كثير والفصل طالباته كثير


لو كل معلمه اخذت منهج او 2 لفصول محدوده كل فصل ب 15 طالبه بتعطي اكثر

وعدد المعلمات بيكون وافي والكل يتوظف

ويتقاعدون المعلمات القديمات طيب انا عندي عطاء زي المعلمه القديمه اللي درست امي
يعطوني فرصه يمكن اكون احسن منها

انا اشكر لها عطاءها لكن انا بعد ابي اعطي

وبيكون لي وقت محدود
وبعطي غيري الفرصه